Էսթետիկ Ստոմատոլոգիա

Մեր կլինիկան պատրաստ է տրամադրել Ձեզ ատամների սպիտակեցման երկու տարբերակ` օֆիսային և տնային: Սպիտակեցման երկու մեթոդներն էլ անվնաս են ատամների էմալի համար և օգտագործվող նյութերը հաստատված են Ամերիկայի Ստոմատոլոգների Ասոցիացիայի կողմից: Երկու տեսակի պրոցեդուրայի ժամանակ կիրառվող նյութերը պարունակում են ջրածնի պերօքսիդ տարբեր կոնցենտրացիաներով: Օֆիսային սպիտակեցումը կատարվում է ստոմատոլոգի կոզմից: Պրոցեդուրան տևում է մոտավորապես 60 րոպե, կախված Ձեր ատամների բնական գույնից և ցանկալի ստացման երանգից: Տնային սպիտակեցման համար ստոմատոլոգը տրամադրում է Ձեզ անհատականացված կապպաներ և սպիտակեցման քսուքը տնային պայմաններում կիրառելու համար:

Ատամների ուղիղ էսթետիկ վերականգնումը լայն տարածում ստացած գործընթաց է, որի արդյունքում ատամների վերականգնումը կատարվում է ժամանակակից պլոմբանյութերով: Ուղիղ վերականգնումները կատարվում են մեր պրոֆեսիոնալ մասնագետների կողմից, որոնք տիրապետում են պլոմբանյութերի հետ աշխատանքային նյուանսներին: Պրոցեդուրան կատարվում է վերականգնելով ատամի բոլոր շերտերը, թափանցիկությունը, ձևը և ֆունկցիան: Պլոմբանյութերով ատամների վերականգնումները հասանելի են բոլոր ատամների համար:

Վինիրները անհատական պատրաստված բարակ թիթեղներ են, որոնք վերականգնում են ատամների գեղագիտական տեսքը: Վինիրները կարող են պատրաստվել անմիջապես բերանի խոռոչում օգտագործելով պլոմբանյութեր կամ ստոմատոլոգիական լաբորատորիայում օգտագործելով կերամիկական նյութեր: Կախված Ձեր անհատական դեպքից, մեր պրոֆեսիոնալ մասնագետը կօգնի Ձեզ ընտրել համապատասխան վինիրների տեսակը բարենպաստ արդյունք ստանալու համար: Խորհրդատվության ժամանակ մեր պրոֆեսիոնալ մասնագետը կտրամադրի Ձեզ համապատասխան ախտորոշումը և բուժման պլանը` վինիրներ ունենալու մանրամասն քայլերով:

Սովորաբար, ատամների բնական հյուսվածքների մեծ քանակի քայքայվածությունը (ավելի քան 50%) համարվում է հակացուցում պլոմբանյութերով ատամի վերականգնման համար: Այս դեպքում, ներդիրնեը համարվում են իդեալական տարբերակ ատամների տեսքը և ֆունկցիան վերականգնելու համար: Ներդիրները պատրաստվում են լաբորատորիայում կերամիկական նյութերից: